Dy anëtarë të Gardës Kombëtare dyshohet se janë qëlluar për vdekje me armë zjarri këtë të mërkurë në qendër të Uashingtonit, pranë zonës ku ndodhet Shtëpia e Bardhë.
Ngjarja ka ndodhur pranë stacionit të metrosë “Farragut West”, rreth një milje larg Shtëpisë së Bardhë. Forcat e sigurisë kanë mbërritur menjëherë në vendngjarje.
Departamenti i Policisë Metropolitane ka konfirmuar se po heton një incident me të shtëna, por nuk ka dhënë detaje të tjera mbi autorin apo motivin.
Zyrtarë të qytetit, përfshirë një përfaqësuese të kryebashkiakes Muriel Bowser, thanë se situata po monitorohet nga afër. Ndërkohë, nuk është konfirmuar zyrtarisht nëse viktimat janë pjesëtarë të Gardës Kombëtare, megjithëse raportimet e para e përmendin këtë mundësi.
Në lidhje me incidentin, Presidenti Donald Trump ka shkruar në rrjetin social Truth, duke shprehur mbështetje për Gardën Kombëtare dhe forcat e sigurisë.
“Kafsha që qëlloi dy anëtarët e Gardës Kombëtare, të dy të plagosur rëndë, është gjithashtu plagosur rëndë. Ai do të paguajë një çmim shumë të lartë”.
BREAKING UPDATE: MULTIPLE National Guard soldiers have been SHOT near the White House
At least three casualties being reported
The shooter is reportedly still on the loose
Law enforcement racing from all throughout the city
PRAY FOR THESE TROOPSpic.twitter.com/u5tqnN9mVW
— Nick Sortor (@nicksortor) November 26, 2025
