Komisionerja për zgjerimin në BE, Marta Kos ka folur ditën e sotme në lidhje me pezullimin nga detyra të numrit dy të qeverisë Rama, Belinda Ballukut.
E pyetur nga gazetarët gjatë konferencës së përbashkët me Ramën, Kos u shpreh se nuk e komenton drejtësinë teksa citoi fjalën që tha më herët Rama, se e rëndësishme është që të ndiqet vendimi i drejtësisë.
“Nuk mund të komentoj çështje konkrete, por ajo që mund të them është që një sistem i pavarur gjyqësor është një nga arritjet më të mëdha të Shqipërisë në vitet e fundit, ka pasur ecuri të rëndësishme në luftën kundër korrupsionit dhe e kemi pasur si pjesë të gjetjeve tona dhe pjesë të raportit të zgjerimit. Në dy vitet e fundit në Shqipëri në fushën e sundimit të ligjit dhe mbrojtjes së qytetarëve është e paprecëdentë. Nga çdo vend kandidat duam që të ketë një sistem, që me sistemin gjyqësor të ketë siguri ligjore që nëse i dhunohen të drejtat, ka gjykata dhe gjykatës që kujdesen për këtë çështje. Sigurisht që raste të tilla ndodhin gjithandej por e rëndësishme është që të ndjekim vendimin e gjykatës”,- u shpreh Marta Kos.
