Gjykata e Tiranës ka liruar nga qelia Jeton Lamin dhe Florin Domin, dy nga të arrestuarit për shpërthimin me tritol në lokalin “Perla e Detit” në Kamëz.
Ish-policit dhe ish-shoqëruesit të Ervis Martinajt, Jeton Lami, i është caktuar masa”arrest shtëpie” gjithashtu edhe Florin Domit i është caktuar masa e sigurisë “arrest në shtëpi.
Ndërsa për Flogert Mezhikën, të arrestuarin e tretë gjykata ka vendosur masën më të rëndë, “arrest me burg”.
Ngjarja lidhet me shpërthimin e ndodhur pak ditë më parë në Kamëz, ku sipas hetimeve paraprake, lënda plasëse dyshohet se u vendos në kuadër të një tentative për gjobë prej 500 mijë eurosh, ndaj pronarit të biznesit Saimir Sina, i cili kishte refuzuar që t’ia jepte.
Hetimet nga prokuroria e Tiranës vijojnë për zbardhjen e rolit të secilit të dyshuar, si dhe për identifikimin e personave të tjerë të mundshëm të përfshirë në tentativën për gjobëvënie dhe shpërthimin me tritol ndërsa në kërkim është shpallur Ervis Lami.
