Deputeti i PD, Klevis Balliu, ka debatuar sot me nënkryetaren e Kuvendit, Klodiana Spahiu, duke shkaktuar tension në sallë.
Balliu u drejtua drejt foltores për të marrë fjalën, por Spahiu e ndaloi, duke i kujtuar se ai e kishte të pezulluar të drejtën e fjalës për këtë seancë. Deputeti nuk pranoi të largohej dhe vazhdoi të kundërshtonte vendimin.
Situata u tensionua dhe në sallë ndërhyri Garda e Republikës për të siguruar rendin. Pas përplasjes verbale, Spahiu ndërpreu seancën për 5 minuta.
