Aksi nacional Gjirokastër-Tepelenë është përfshirë nga mjegulla këtë të shtunë. Në kushte të tilla atmosferike drejtuesit e automjeteve kanë qenë të detyruar të lëvizin me shpejtësi të reduktuar për të shmangur aksidentet, pasi edhe shikimi ka qenë tejet i kufizuar.
Po kështu mëngjes me mjegull është këtë shtunë juglindja e vendit, ku nga Grabovica e Pogradecit deri në hyrje të qytetit të Korçës, rreth 30 km e këtij segmenti rrugor është i gjithi i përfshirë nga mjegulla, raporton A2.
Policia rrugore u ka kërkuar drejtuesve të mjeteve të cilët përdorin këtë aks të bëjnë kujdes gjatë qarkullimit në këtë aks.
Temperaturat në juglindje të vendit kanë shkelur deri në 0 gradë ditën e sotme ndërsa sinoptikanët kanë parashikuar një javë më shira të rrëmbyeshëm në ditët në vijim.
