Gjykata e Apelit të Posaçëm ka prishur vendimin e Gjykatës së Posaçme Kundër Korrupsionit dhe Krimit të Organizuar GJKKO për ish-kryeprokurorin e Vlorës, Aurel Zarka, dhe ka kthyer çështjen për rigjykim, pa dhënë arsyetim.
Vendimi u dha këtë të mërkurë nga treshja e gjyqtarëve Miliana Muça, Saida Dollani dhe Dhimitër Lara.
Zarka kishte ankimuar vendimin e mëparshëm të GJKKO-së, e cila e kishte dënuar me 4 vite burg për korrupsion dhe ndikim të paligjshëm në çështjen e njohur si “Toyota Yaris”.
Për shkak të gjykimit të shkurtuar, dënimi i tij ishte reduktuar më pas në 2 vite e 8 muaj burg.
Rigjykimi në GJKKO pritet të përcaktojë sërish masën e dënimit për ish-kryeprokurorin.
