Një 37-vjeçar është ndaluar në Korçë, pas një operacioni kundër veprimtarive kriminale në fushën e narkotikëve.
Ky shtetas dyshohet se ka bashkëpunuar me një person tjetër, 46 vjeç, i cili u kap katër ditë më parë në fshatin Vishociçë, Devoll, duke transportuar 16 kilogramë lëndë narkotike të dyshuar si kanabis drejt kufirit me Greqinë.
Sipas vendimit të Gjykatës së Korçës, të datës 29 tetor 2025, ndaj 37-vjeçarit është caktuar masa e sigurisë “Arrest në burg”, për veprat penale “Trafikimi i narkotikëve” dhe “Prodhimi dhe shitja e narkotikëve”.
Materialet procedurale janë referuar për veprime të mëtejshme pranë organit kompetent të drejtësisë.
