Sali Berisha, ka denoncuar përmes qytetarit dixhital “rrugën personale” që po ndërton me paratë e shqiptarëve ish-kryebashkiaku i Matit dhe tashmë deputet, Agron Malaj.
Sipas denoncuesit, bëhet fjalë për rrugën nga banesa e Agron Malajt në fshatin Lis deri tek rezervuari i fshatit Shqefen. Ai thotë më tej se kjo rrugë rreth 5 km e gjatë nuk i shërben askujt përveç Agron Malajt dhe po ndërtohet nga makineritë e Bashkisë së Matit, pa u bërë asnjë tender.
Postimi i plotë:
Agron Malaj ndërton me paratë e qytetarëve rrugë personale!
Denoncoj me forcë këtë akt korruptiv të Agron Malaj, deputetit të Matit.
Lexoni mesazhin dhe shikoni videon e qytetarit dixhital.
Zoti Berisha, shiko sesi taksat e qytetareve te Matit perdoren per interesat personale te Agron Malajt, nderkohe qe mijera banore te matit nuk kan rrugen e makines ne banesa, Agron Malaj po nderton nje rruge nga banesa e tij ne fshatin Lis deri te rezervuari i fshatit Shqefen, kjo rruge nuk i sherben arkujt pasi lidh vetem banesen e Agron Malajt, rruga afro 5 kilometra eshte bere nga makinerite e Bashkise Mat pa asnje tender apo te dhene publike! Kostoja e saj mund te shkoje mbi 200 mije dollare!
