Deputeti i Partisë Demokratike, Klevis Balliu, iu drejtua kreut të SPAK, Altin Dumani, gjatë raportimit në Kuvend, duke kërkuar sqarime lidhur me hetimet e laboratorit të Xibrakës. Balliu pretendoi se në këtë çështje është përfshirë Olsi Rama dhe se SPAK nuk ka kryer hetime të mjaftueshme.
Ai theksoi se në sallë ndodhej Taulant Balla, i cili një vit më parë, si ministër i Brendshëm, kishte dhënë informacion publik lidhur me personat e përfshirë në këtë çështje.
Balliu kërkoi që SPAK të hetojë Ballën për moskallëzim krimi, duke argumentuar se si ministër i Brendshëm, ai kishte njohuri të drejtpërdrejta për rastin dhe nuk ishte marrë ende në pyetje.
Klevis Balliu: Unë ju pyeta pse nuk vazhduan hetimet ju thatë nuk gjetëm gjë. Ju nuk keni marrë në pyetje personi që deklaronte publikisht se e di kush është personi në fjalë. Ja ku është (nxjerr videon e Ballës në parlament një vit më parë). Ky e di kush është, si e keni mbyllur dhe nuk e keni marrë këtë njeri meqë e dinte dhe ishte ministër i brendshëm. Ja ku e keni merreni t’jua sqaroj.
Ky që e dinte a nuk duhet hetuar për moskallëzim krimi? Pse nuk i bëtë hetimet, se ne e dimë se aty del shoku Olsi Rama dhe nuk preket. Minimalja duhej të merrej Taulant Balla, ka qenë ministër i brendshëm dhe nuk është marrë as kjo. Le të themi të vërtetën.
