Një turist japonez 69-vjeçar vdiq të premten në mbrëmje në Romë pasi ra nga muri i jashtëm i Panteonit, një nga monumentet më ikonike të Italisë.
Sipas agjencisë Ansa, turisti ishte ulur në murin e jashtëm të monumentit kur, në rrethana të paqarta, ra në një hendek rreth shtatë metra të thellë. Ekipet e shpëtimit mbërritën menjëherë, por burri u shpall i vdekur në vendngjarje.
Policia e Romës ka nisur hetime për të sqaruar shkaqet e aksidentit. Vajza e tij, e cila ishte me të në Romë, deklaroi se babai i saj humbi ekuilibrin pasi papritmas u ndje keq.
