Një kontroll i befasishëm është zhvilluar ditën e sotme në Burgun e Durrësit, ku ndodhen të paraburgosur dhe të burgosur, përfshirë politikanë dhe individë me rrezikshmëri të lartë, si dhe krerë bandash kriminale.
Dhjetëra efektivë të Drejtorisë së Përgjithshme të Burgjeve mësynë ambientet e brendshme të institucionit.
Burime për mediat bëjnë me dije se kontrolli po zhvillohet në disa dhoma dhe ambiente të përbashkëta, pas informacioneve se brenda burgut mund të ketë lëndë narkotike, telefona ose sende të tjera të ndaluara.
