Një 37-vjeçar është kapur nga Policia Kufitare e Shkodrës teksa kalonte në mënyrë të paligjshme kufirin me Malin e Zi.
Sipas Policisë Kufitare E.K., nga fshati Barbullojë i Lezhës ka kaluar kufirin e gjelbërt në mënyrë të paligjshme, teksa rezultoi se ndaj tij kishte masë ndalimi për të dalë nga Shqipëria.
“U referuan materialet në Prokurori ku nisi procedimi në gjendje të lirë për shtetasin E. K., 37 vjeç, banues në fshatin Barbullojë e Re, për veprën penale “kalimi i paligjshëm i kufirit shtetëror”, pasi ka kaluar kufirin e gjelbër në mënyrë të paligjshme”, thanë burime zyrtare.
Nga verifikimi i kryer në sitem rezultoi se i riu lezhjan ishte me masën e sigurimit “detyrim për t’u paraqitur në policinë gjyqësore” dhe “ndalim i daljes jashtë shteti” nga Prokuroria pranë Gjykatës së Shkallës së Parë të Juridiksionit të Përgjithshëm Lezhë.
