Një natë argëtimi përfundoi në tragjedi për 23-vjeçarin shqiptar Hekuran Cumani, i cili u qëllua me thikë dhe humbi jetën në parkingun e Departamentit të Matematikës dhe Shkencave Kompjuterike në Perugia.
Sipas dëshmive paraprake, Hekurani përpiqej të mbronte vëllain e tij më të vogël gjatë një përleshjeje mes dy grupe të rinjsh, dhe u qëllua duke ndërruar jetë në vend. Vëllai i tij u plagos lehtë, por nuk mund të identifikonte autorin.
Hetuesit dyshojnë për një heshtje të qëllimshme nga dëshmitarët, pasi versionet e ngjarjes janë kontradiktore. Përleshja ndodhi pas një nate në klub, ku dy grupe të rinjsh, kryesisht të gjeneratës së dytë italiane me prejardhje të huaj, u konfliktuan për arsye ende të paqarta.
Disa persona janë vënë nën hetim, përfshirë një 18-vjeçar me origjinë marokene dhe një tjetër me origjinë tuniziane, të cilët akuzohen për kërcënime dhe mbajtje të mjetit të ftohtë – një thikë kuzhine që u soll në vendngjarje. Një roje sigurie i klubit “100dieci” po hetohet gjithashtu për plagosje aksidentale, pasi në përpjekjen për të ndarë grupet lëndoi vëllain e viktimës.
LEXO EDHE:
Vrasja e 23-vjeçarit shqiptar në Itali, policia shoqëron disa të rinj si të dyshuar
