Kreu i Grupit Parlamentar të Partisë Demokratike, Gazment Bardhi, ka reaguar ashpër pas arrestimit të avokatit Uljan Barjami. Sipas Bardhit, ngjarja përbën një sulm të papranueshëm ndaj shtetit të së drejtës dhe lirisë profesionale.
Bardhi tha përmes një postimi në Facebook se akti tregon qartë se standardet themelore të një shteti ligjor po rrënohen në Shqipëri dhe paralajmëroi se po minohen themelet e demokracisë dhe të drejtave të qytetarëve.
“Në një shtet të së drejtës, roli i avokatëve për mbrojtjen e të drejtave dhe lirive themelore është i pazëvendësueshëm. Arrestimi i një avokati, pas një debati të tensionuar me përfaqësuesit e organit të akuzës në sallën e gjyqit, është një ngjarje e papranueshme,” shkruan Bardhi.
