Partizani triumfoi minimalisht ndaj Flamurtarit në transfertë, në ndeshjen e vlefshme për javën e shtatë në Superiore.
Të kuqtë iu falën një autogoli, në debutimin e trajnerit Oltion Kërnaja. Ndeshja nisi me Partizanin më kërkues në fillim. Pas vetëm 5 minutave lojë, arbitri akordoi 11 metërsh për të kuqtë e kryeqytetit, për faull në zonë.
Megjithatë, pas rishikimit në VAR, vendimi u ndryshuar, duke akorduar goditje dënimi për Flamurtarin. Flamurtari gjei golin e avantazhit në minutën e 36-të me Maksutin, por goli i tij u anulua për pozicion jashtë loje.
Momenti vendimtar ishte në minutën e 63-të, kur Lorenc Trashi shkaktoi autogol për vlonjatët, duke i dhënë avantazhin miqve. Oshafi barazoi shifrat në minutën e 84-t, por edhe ky gol u anulua, për prekje me dorë të Maksutit gjatë aksionit.
Partizani rikthehet kështu te fitorja pas katër humbjeve radhazi.
