Një ngjarje tragjike ka ndodhur këtë pasdite në fshatin Lumas të bashkisë Kuçovë, ku një 35-vjeçare i ka dhënë fund jetës duke u vetëhelmuar me fostoksinë.
Viktima, e identifikuar si Arjola Shuaipi, dyshohet se ka konsumuar lëndën helmuese në dhomën e saj. Ajo është gjetur pa shenja jete disa orë më vonë nga familjarët, të cilët njoftuan menjëherë policinë.
Raportohet se në trupin e 35-vjeçares nuk janë konstatuar shenja dhune, ndërsa familjarët kanë deklaruar se ajo vuante prej kohësh nga probleme të shëndetit mendor dhe ishte nën trajtim me medikamente.
