Presidenti i SHBA, Donald Trump, deklaroi se ekziston një mundësi e madhe që konflikti në Ukrainë të përfundojë së shpejti, duke theksuar se dhënia e raketave Tomahawk Kievit do të përbënte një përshkallëzim të situatës.
Në një intervistë, Trump përjashtoi mundësinë e një takimi trepalësh me Vladimir Putinin dhe Volodymyr Zelenskun, duke theksuar se marrëdhënia mes dy liderëve është e tensionuar. “Takime të ndara, jo takime trepalëshe, me Putinin dhe Zelenskyn. Ka një marrëdhënie të keqe midis tyre,” tha ai.
Ai shtoi se dhënia e raketave Tomahawk Kievit “do të ishte një përshkallëzim, por do të flasim për këtë. Shpresojmë që ato nuk do të nevojiten deri në fund të luftës. Do të diskutojmë mundësinë e sulmeve në tokën ruse.”
Trump gjithashtu komentoi se edhe Putin dëshiron t’i japë fund luftës dhe bëri me dije se India nuk do të blejë më naftë ruse. Ai u shpreh optimist për përfundimin e shpejtë të konfliktit: “Mendoj se kemi një shans shumë të mirë për ta përfunduar luftën në Ukrainë shpejt, përpara se të takohem me Xi pas dy javësh.”
