Sekretari i Përgjithshëm i Partisë Demokratike, Flamur Noka ka lexuar në Kuvend një mesazh të dërguar sipas tij nga kryeministri Edi Rama në drejtim të Sinisha Mihajloviç ku i shpreh admirimin. po ashtu, në mesazh rama shprehet se numrin e tij ia ka marrë mikut të tyre të përbashkët, Aleksandër Vuçiç.
“Dua të lexoj një sms që i ka shkuar kur lëngonte Sinisha Mihajloviç.
I dashur zotëri, unë jam Edi Rama, kryeministër i Shqipërisë dhe lojtar i skuadrës kombëtare të basketbollit. Numrin tënd ia mora mikut tonë të përbashkët Aleksandër Vuçiç. Fola mbrëmë për ty në Novi Sad. Prej kohësh doja të shprehja admirimin për forcën e guximit në përballje me armikun tënd. Pasi keni mundur shumë portier, jam i bindur që do të jeni i aftë të mundni hijen mes teje dhe portës së jetës”, tha ai.
