Një burrë ka humbur jetën në rrethana misterioze pasditen e kësaj të enjte në autostradën Fier–Vlorë, pranë fshatit Bishan. Burime bëjnë me dije se viktima është shtetasi me inicialet R.P. banues në fshatin Starovë, Berat.
Mësohet se automjeti i tij, tip “Volkswagen”, me targa “AB 276 DC” është gjetur i ndaluar në xhepin e emergjencës brenda të cilit ndodhej shtetasi R.P: i shtrirë në sediljet e përparme.
Nga verifikimet paraprake, dyshohet se drejtuesi i mjetit ka ndërruar jetë për shkaqe natyrale. Trupi i pajetë është dërguar në morg për kryerjen e ekspertizës mjeko–ligjore.
