Është zbardhur identiteti i të riut, i cili humbi jetën tragjikisht pasditen e kësaj të enjte në një kantier ndërtimi në Shëngjin.
Viktima është shtetasi Anton Zefi 36 vjeç, nga fshati Pllanë i Lezhës, i cili dyshohet se ra aksidentalisht nga lartësia e një pallati në ndërtim në zonën e Kunës.
Më konkretisht, 36-vjeçari ra në vendin ku ishte parashikuar të instalohej ashensori, teksa mori plagë të shumta në disa pjesë të trupit dhe humbi jetën menjëherë në vendin e ngjarjes.
Trupi i viktimës është dërguar në morgun e spitalit të Lezhës për të kryer ekspertrizën mjeko-ligjore, ndërsa Policia ka nisur veprimet për të hetuar mbi rastin.
