I pyetur nga deputetja e PD-së, Elda Hoti, kreu i SPAK, Altin Dumani, u përgjigj sot në Komisionin e Ligjeve për shqetësimet lidhur me fondet e OLAF dhe çështjen e quajtur “Aruba”.
Dumani deklaroi se nuk ka njohuri për ndonjë çështje aktive të quajtur “Aruba” dhe se nuk mund të japë informacione shtesë për publikun.
Ai shtoi se hetimet për shpërdorimin e fondeve të BE-së nga administrata shqiptare po vazhdojnë dhe se SPAK ka bashkëpunim intensiv me zyrat europiane për mbrojtjen e fondeve.
“Çështja Aruba nuk është e njohur për SPAK. Hetimet për përdorimin e fondeve të OLAF janë aktive dhe nuk mund të ndajmë më shumë informacion në këtë fazë,” tha Dumani.
Elda Hoti: Aruba është e lidhur me pastrimin e parave, a mund të informojë SPAK publikun nëse është ngritur një grup ndër institucionale me Bankën e Shqipërisë, SHISH, për ndjekjen e flukseve financiare që mund të ketë dyshime në këtë aferë.
Altin Dumani: Drejtoreshën e OLAF e kisha në zyrën time. Është bërë publike si takim. Shprehu vlerësimin për takimin e që kemi patur mes zyrave tonë, kemi shkëmbyet informacione të shumta. Ka qenë dhe vazhdon dhe do vazhdojë për çështje të ndryshme nga të cilët, marrin në mbrojtje fondet e BE. Fonde që dyshohet se janë keqpërdorur nga administrata shqiptare. Çështja është në hetim që ju përmendni. Çështja është në fazën e hetimit dhe nuk mund të ndajë asgjë më tepër.
