Policia kufitare greke arrestoi një shtetas të huaj për posedim arme në pikën kufitare të Mavromatio-s në Thesproti, pranë doganës së Qafë-Botës në Sarandë.
Konkretisht, gjatë një kontrolli nga oficerët e doganës së Mavromatios, gjatë daljes së të huajit nga Greqia dhe hyrjes në territorin shqiptar.
Atij iu gjetën një hark me 21 shigjeta, si dhe një thikë me gjatësi totale prej 28 centimetrash, të cilat iu sekuestruan, informon “Protothema”.
I arrestuari u shoqërua në Prokurorinë e Shkallës së Parë të Thesprotisë dhe po merret në pyetje. Policia nuk ka publikuar ende identittin dhe kombësinë e tij.
Mbetet ende i panjohur qëllimi i hyrjes së tij i armatosur në Shqipëri dhe nëse po planifikonte ndonjë krim.
