Dy të rinj janë arrestuar në Vlorë pasi dyshohet se kanë grabitur me dhunë një 27-vjeçar, duke i marrë një shumë parash dhe disa sende personale.
Ngjarja ka ndodhur në fshatin Marikaj, ku 27-vjeçarit i janë rrëmbyer 5300 euro dhe tre celularë.
Gjatë kontrollit në banesën e njërit prej të arrestuarve, policia sekuestroi dy karikatorë arme zjarri, një palë pranga, një thikë dhe tre celularët e vjedhur.
Ndërkohë, është proceduar penalisht në gjendje të lirë një 24-vjeçare me inicialet E. P., e dyshuar për moskallëzim të krimit, pasi kishte dijeni për ngjarjen dhe nuk e raportoi në polici.
“Procedohet penalisht një 24-vjeçare, për moskallëzim krimi.
Gjenden në banesën e njërit prej të arrestuarve dhe sekuestrohen 2 karikatorë arme zjarri, 1 palë pranga, 1 armë e ftohtë dhe 3 celularët e vjedhur.
Si rezultat i veprimeve të kryera në kuadër të operacionit policor të koduar “Road”, u lokalizuan në një banesë të braktisur, u kapën dhe u vunë në pranga 2 autorët e dyshuar të rastit, shtetasit F. S., 26 vjeç, dhe G. Sh., 30 vjeç, banues në Vorë.”, njofton policia.
