Një efektiv i Policisë së Krujës është arrestuar nga Agjencia e Mbikëqyrjes Policore ditën e sotme për dy akuza.
Ai dyshohet për veprat penale kultivim kanabisi dhe armëmbajtje pa leje.
Burime policore bënë me dije se efektivi i Komisariatit nën prangat e agjentëve të AMP është E.L.
Mësohet se efektivi ka qenë më herët edhe oficer rendi në Policinë e Fushë-Krujës.
Nuk jepen ende detaje të hollësishme të kohës kur efektivi ka konsumuar veprat penale dhe rrethanat e ngjarjes.
Pritet që AMP të dalë me një njoftim zyrtar për rastin. Hetimet kryhen në bashkëpunim edhe me Prokurorinë vendore.
