Një ngjarje e rëndë është regjistruar në orët e para të mëngjesit të kësaj të enjteje, në fshatin Çërravë të Pogradecit, ku një stallë me bagëti është përfshirë nga flakët.
Pas kësaj ngjarjeje, dyshohet se zjarri është shkaktuar nga një shkëndijë elektrike.
Sipas raportimeve, përveç dëmtimit të stallës, zjarri ka shkaktuar humbje të konsiderueshme edhe në gjënë e gjallë.
Pronari i stallës, Agjërim Kapa, ka deklaruar se mbi 170 dele janë djegur të gjalla, duke e përshkruar dëmin si të jashtëzakonshëm.
Nuk është raportuar për lëndime njerëzore.
Ndërkohë, Emergjencat Civile të Bashkisë Pogradec pritet të kryejnë vlerësimin e plotë të dëmeve dhe të ofrojnë ndihmën e nevojshme për familjen e prekur nga kjo ngjarje.
