Deputeti i PD-së, Belind Këlliçi, ka shpërndarë në rrjetin e tij social Facebook një video të kryeministrit Edi Rama, ku dëgjohet se i drejtohet qytetarëve me fjalët: “Rrasjani në lule të ballit, për të marrë hakun tuaj…”.
Kjo video e publikuar nga Këlliçi vjen vetëm tre ditë pas ngjarjes së rëndë që tronditi vendin, ku gjyqtari Astrit Kalaja u vra me tre plumba brenda seancës gjyqësore në Gjykatën e Apelit.
Në reagimin e tij, Këlliçi thekson se gjuha e dhunës dhe nxitja e urrejtjes vijnë pikërisht nga vetë kreu i qeverisë, duke e cilësuar retorikën e Ramës si shprehje prej “gangsteri ordiner” që, sipas tij, ndikon drejtpërdrejt në krijimin e një klime të rrezikshme në vend.
Postimi:
“Rrasjani në lule të ballit.”
Nëse do të flasim për gjuhën e dhunës dhe nxitjen e urrejtjes nuk ka nevojë të shkojmë shumë larg.
Mjafton të shohim kryeministrin e vendit dhe shprehjet e tij prej gangsteri ordiner, për të kuptuar klimën e rënduar të dhunës në vend.
