Një aksident automobilistik është regjistruar pasditen e kësaj të diele në Rrugën e Arbrit, pranë një fshati në afërsi të Klosit.
Ende nuk dihen rrethanat e aksidentit, por nga informacionet paraprake mësohet se kanë mbetur të plagosur pesë anëtarë të së njëjtës familje.
Ata janë dërguar fillimisht në qendrën shëndetësore të Klosit dhe më pas janë transportuar me ambulancë drejt spitalit të Burrelit, për trajtim më të specializuar.
Në vendngjarje ndodhen forcat e policisë dhe grupi hetimor, të cilët kanë nisur punën për zbardhjen e plotë të rrethanave të aksidentit.
