Kryeministri Edi Rama ka zyrtarizuar hapat për zhvillimin e zgjedhjeve të parakohshme në Bashkinë e Tiranës, pas shkarkimit të Erion Veliajt nga detyra e kryebashkiakut.
Rama ka dërguar në Presidencë njoftimin për vakancën në krye të bashkisë, pavarësisht se një ditë më parë Veliaj kishte bërë ankimim në Gjykatën Kushtetuese për vendimin e shkarkimit.
Bashkitë e tjera ku zhvillohen zgjedhje janë Berati, Tepelena, Cërriku, Mati dhe Vlora. Shumë nga kryebashkiakët e këtyre qyteteve lanë detyrat për të kandiduar për deputetë, ndërsa kryebashkiaku i Vlorës dha dorëheqjen vetëm pak javë më parë.
