Presidenti i SHBA-së, Donald Trump, deklaroi sot se ekziston “një mundësi reale për diçka të madhe në Lindjen e Mesme”, duke lënë të kuptohet për përparime drejt një armëpushimi në Gaza.
“Kemi një mundësi reale për diçka të madhe në Lindjen e Mesme. Të gjithë janë gati për diçka të veçantë, për herë të parë. Do ta bëjmë,” – shkroi Trump në një postim në rrjetin e tij social, Truth Social.
Dy ditë më parë, presidenti amerikan paralajmëroi se ishte pranë arritjes së një marrëveshjeje që do t’i jepte fund luftës në Rripin e Gazës dhe do të mundësonte kthimin e pengjeve në Izrael.
