Irani ka hedhur poshtë rivendosjen e sanksioneve të OKB-së ndaj programit të tij bërthamor, të propozuara nga Gjermania, Franca dhe Britania, duke i cilësuar ato si të paligjshme dhe politikisht të pajustifikueshme.
Ministri i Jashtëm iranian, Abbas Araghchi, deklaroi se veprimet e vendeve evropiane përbëjnë një abuzim të marrëveshjes bërthamore të vitit 2015 dhe kërkoi që OKB-ja të mos përdoret për qëllime politike.
Sanksionet përfshijnë embargo armësh, ndalim të pasurimit të uraniumit dhe ngrirje të pasurive për individët e lidhur me programin bërthamor. Ato u rivendosën përmes mekanizmit “snapback”, pas dështimit të arritjes së një marrëveshjeje për rivendosjen e inspektimeve nga IAEA.
Perëndimi dyshon se Irani po përpiqet të zhvillojë armë bërthamore, çka Teherani e mohon, duke theksuar se programi ka vetëm qëllime civile.
