Anëtari i Partisë Demokratike, Ilir Alimehmeti, ka folur për procesin e përzgjedhjes së kandidatit opozitar për zgjedhjet e parakohshme në Bashkinë e Tiranës.
I ftuar në emisionin Review në Euronews Albania, Alimehmeti tha se procesi është ende në zhvillim dhe po ecën me hapa të shpejtë.
Ai shtoi se përzgjedhja përfshin jo vetëm partitë parlamentare, por edhe ato aleate dhe faktorë të tjerë opozitarë.
“Patjetër procesi është në zhvillim e sipër. Ka një radhë. Demokracia parashikon numra. Janë partitë parlamentare dhe ato aleate. E më pas duhet parë ata që kanë qëndrim opozitar përballë Edi Ramës. Në këtë aspekt negociatat janë hapur, diskutimet janë hapur. Ju kujtua që grupi u themelua, u krijua dy ditë përpara kështu që në këtë aspekt kemi ecur goxha shpejt në këtë aspekt. Kemi disa kontakte të ngushta me liderët e partive. Shumë shpejt do të dal kandidati dhe do duhet të jetë një konsensus i gjerë përtej Partisë Demokratike”, tha Alimehmeti.
