Partizani ka publikuar çmimet e biletave për derbin e parë të sezonit kundër Tiranës.
Biletat pas porte do të kushtojnë 500 lekë, ndërsa ‘karshia’ fillon nga 1000 deri në 1500 lekë. Tribuna VIP është e ndarë me 3000, 4000 deri në 5000 lekë.
Derbi Partizani-Tirana do të luhet në stadiumin “Air Albania” më 3 tetor në orën 19:00.
Skuadrat e kryeqytetit kanë bërë një nisje të dobëtë sezonit. Tirana mban vendin e fundit me 2 humbje dhe 2 barazime, ndërsa Partizani renditet i shtati me dy humbje, 1 barazim dhe një fitore.
