Më herët këtë të martë, presidenti amerikan Donald Trump deklaroi se ka “ndalur shtatë luftëra, dhe në të gjitha rastet ato ishin duke u zhvilluar me mijëra viktima”. Ai përmendi mes tyre edhe një “luftë” që sipas tij po ndodh midis Egjiptit dhe Etiopisë.
Megjithatë, nuk ka pasur një luftë të vërtetë midis këtyre dy vendeve që Trump të kishte çfarë të ndalte. Po, ka pasur prej kohësh tensione për shkak të një dige mbi lumin Nil.
Diga e Madhe e Rilindjes në Etiopi përfundoi këtë verë, ndërsa Egjipti ka shprehur shqetësimin se mund të ndikojë në furnizimin e tij me ujë nga Nili.
Pas 12 vjetësh mosmarrëveshje, më 29 qershor, ministri i Jashtëm egjiptian deklaroi se bisedimet me Etiopinë kishin ngecur.
Trump tha: “Po të isha Egjipti, edhe unë do ta doja ujin e Nilit.” Ai premtoi se SHBA-të do ta zgjidhnin çështjen shumë shpejt.
Egjipti i mirëpriti deklaratat e Trump, ndërsa zyrtarët etiopianë paralajmëruan se ato mund të përshkallëzojnë tensionet. Aktualisht nuk ka ende një marrëveshje formale për zgjidhjen e këtij konflikti mes dy vendeve.
