Drejtori i Qendrës Spitalore Universitare “Nënë Tereza” (QSUT), Florenc Spaho, ka dhënë dorëheqjen pas dy muajsh në këtë detyrë.
Spahon pritet ta zëvendësojë Anxhela Paparizo.
Lajmi konfirmohet nga burime brenda institucionit, ndërsa ende nuk ka një njoftim zyrtar nga vetë Spaho apo Ministria e Shëndetësisë.
Arsyet e dorëheqjes nuk janë bërë publike, por zhvillimi vjen në një periudhë kur QSUT është përballur me kritika të shumta nga qytetarët dhe personeli shëndetësor për problematika në menaxhimin e shërbimeve dhe infrastrukturës.
