Aktori britanik Tom Holland është dërguar me urgjencë në spital pas një aksidenti të rëndë gjatë xhirimeve të filmit të ri “Spider-Man: Brand New Day”.
Ngjarja ndodhi më 19 shtator, kur Holland goditi kokën gjatë një skene të rrezikshme dhe u rrëzua në sheshxhirim. Ai iu nënshtrua menjëherë analizave mjekësore për të vlerësuar nëse kishte pësuar një tronditje të trurit.
Prodhimi i filmit, me buxhet 200 milionë dollarë, është pezulluar përkohësisht deri në rikuperimin e aktorit. Babai i tij, Dominic Holland, konfirmoi se djali do të marrë një pushim nga xhirimet “për një kohë”.
Pavarësisht incidentit, Holland kishte shprehur së fundmi entuziazmin e tij për projektin, i cili pritet të dalë në kinema më 31 korrik 2026.
