Policia ka publikuar pamje nga momenti i arrestimit të dy vëllezërve të shpallur në kërkim për vrasjen e 23-vjeçarit Renis Dobra, ngjarje e rëndë e ndodhur në korrik të këtij viti në zonën e Ulzës.
Kristi dhe Aleksandër Bushgjoka, 29 dhe 24 vjeç, u kapën nga forcat e policisë në Tiranë, pranë kompleksit “Delijorgji”, në orët e para të mëngjesit. Arrestimi i tyre u realizua përmes operacionit të koduar “Operacionalja 68”, të zhvilluar nga Forca e Posaçme Operacionale në bashkëpunim me RENEA.
Sipas hetimeve, Renis Dobra u rrëmbye, u mbyt me litar dhe më pas trupi i tij u hodh në liqenin e Shkopetit. Ndërkohë te arrestuarit, të cilët akuzohen si bashkëpunëtorë në rrëmbimin dhe mbajtjen peng të viktimës.
Më herët për këtë ngjarje janë arrestuar edhe dy persona të tjerë: Fatjon Bushgjoka dhe Petrit Çakri, të cilët akuzohen për vrasjen dhe hedhjen e trupit të pajetë në ujërat e liqenit.
