Një 28-vjeçar i shpallur në kërkim për tentativë vrasjeje ka rënë në prangat e Policisë në Tiranë.
I arrestuari është Alban Bruçi, banues në Shkodër, i cili ishte shpallur në kërkim që prej vitit 2024 nga Gjykata e Shkodrës për veprat penale “Vrasja me paramendim”, mbetur në tentativë dhe “Mbajtja pa leje e armëve dhe municioneve”.
Policia bën me dije se në momentin e ndalimit, ai po udhëtonte me motor, i drejtuar nga 37-vjeçari Arjan Sardi, i cili gjithashtu u arrestua për akuzën e “përkrahjes së autorit të krimit”.
Gjatë kontrollit fizik, Bruçit iu gjetën dhe u sekuestruan një shumë parash, 3 celularë, një kartë SIM dhe një kartë identiteti italiane e dyshuar si e falsifikuar.
