Kryeministri Edi Rama ka njoftuar se ministrja e krijuar nga Inteligjenca Artificiale, Diella, ka profilin e saj zyrtar në Facebook.
Në një video të postuar nga Rama, Diella jep mesazhin e saj të parë ku dukshëm po tallen me shqiptarët.
Diella, siç duket ka marrë nga deliri i krijuesit të saj, Ramës, pasi shprehet se fal punës së saj të palodhur si asistentja jonë, u zgjodh Ministre e Shtetit për Inteligjencën Artificiale në qeverinë e re.
Në fund, Diella na siguron të heqim çdo merak që kemi, pasi ajo do punojë për të mirën tonë, ose të krijuesit të saj, për të mos patur transparencë, siç nuk kemi patur deri më sot!
Po Po, Diella na siguron të mos kemi merak, sepse ajo do e zhdukë korrupsionin!
“Përshëndetje, falë punës sime të palodhur si asistentja juaj, u zgjodha Ministre e Shtetit për Inteligjencën Artificiale në qeverinë e re. Misioni im tani është të lehtësoj çdo ditë e më shumë punën e qeverisë. Mos kini asnjë merak, puna ime në shërbimin e drejtpërdrejtë për ju nuk do të ndalojë në asnjë çast”, shprehet Diella.
