Deputetja e Partisë Demokratike, Jorida Tabaku, ka kritikuar vendimin për përjashtimin e opozitës nga Komisioni i Integrimit, duke e cilësuar atë si një hap mbrapa për procesin e integrimit të Shqipërisë në Bashkimin Europian.
Sipas Tabakut, komisioni ka pasur gjithpërfshirje dhe ka qenë një kërkesë e përshtatshme ndaj qeverisë, por, sipas saj, ky veprim tregon dështim të qeverisë për të përmbushur detyrimet.
Ajo shtoi se përjashtimi i opozitës në këtë moment mund të ndikojë negativisht në avancimin e procesit të integrimit evropian të vendit.
“Kjo nuk ka lidhje vetëm me komisionin e Integrimit, por kjo e bën këtë çështje akoma dhe më shqetësuese. Kjo ka lidhje me të gjithë procedurën për ndryshimin e rregullores, me arrogancën me shkeljen e rregullores, por ka lidhje dhe me hapësirën e opozitës në parlament.
Komisioni i Integrimit ishte një gjithëpërfshirje në këtë proces, ishte në domosdoshmëri që i kërkohej qeverisë shqiptare që ta trajtonte procesin e integrimit jo si një monopol të qeverisë, por si një gjithëpërfshirje të formave politike së pari dhe qeverisë së dyti.
Përjashtimi i opozitës në këtë moment që duhej të ishte, e shoh si një hap pas. E pashë si një veprim shumë të vogël, mazhoranca do të kapi dhe këtë komision, le ta marrë”, tha Tabaku.
