Banorët në zonën e Selitës, Tiranë ankohen se mbeturinat që hidhen pranë nënstacionit elektrik, po qëndrojnë për periudha të gjata pa u pastruar nga institucionet përgjegjëse.
Sipas tyre, diçka e tillë po ndikon jo vetëm në cilësinë e jetës, por edhe në shëndetin e tyre. Banorët theksojnë se zona shpesh herë mer pamjen e një vendgrumbullimi mbetjesh, duke e kthyer ambientin përreth në një vatër ndotjeje dhe infeksioni
Për të kuptuar më mirë situatën me të cilën përballen çdo ditë banorët e kësaj zone, mjafton që të kalosh pranë koshave të mbeturinave. Edhe pse banorët shpesh herë kanë ngritur zërin, në mënyrë që të meren masa, sërish situata vijon të jetë e njëjtë.
Në një pronuncim për Syri Tv, ata shprehen se mbeturinat pastrohen një herë në 3 ditë apo edhe më shumë, duke bërë që grumbuj të mëdhenj mbeturinash të krijohen në këtë zonë, duke e kthyer ambientin përreth në një vatër ndotjeje dhe infeksioni.
Banorët e Selitës shprehen se ky është i vetmi vend ku ata mund të hedhin mbeturinat, por mos menaxhimi i tyre nga bashkia, ka bërë që situate të rëndëhet, ndërsa shtojnë se fare pranë ndodhet edhe shkolla, duke bërë që fëmijët të kalojnë çdo ditë pranë pikës së mbetjve urbane.
E gjithë kjo zonë ka marrë pamjen e një vendgrumbullimi mbetjesh, duke qenë se aty depozitohen edhe material inerte, ndonëse ndodhet pranë një objekti të rëndësishëm siç është nënstacioni elektrik.
