Kuvendi i Shqipërisë do të zhvillojë nesër (16 shtator) dy seanca plenare, ku pritet të diskutohet dhe të vendoset mbi strukturën e re të organit ligjvënës.
Seanca e parë është parashikuar të nisë në orën 10:00 të paradites dhe do të fokusohet në konstituimin e strukturës së re dhe organeve kryesore të Kuvendit.
Ndërsa seanca e dytë është caktuar për orën 17:00, ku në rend dite është votimi për strukturën e re dhe numrin e komisioneve parlamentare.
Gjithashtu, është njoftuar se të enjten paradite do të mbahet një seancë maratonë, gjatë së cilës pritet të prezantohet programi politik i qeverisë së re.
