Një seri sulmesh ajrore izraelite ka lënë të paktën 32 të vrarë në Qytetin e Gazës, përfshirë 12 fëmijë, sipas raportimeve të stafit mjekësor në spitalin Shifa, ku u dërguan trupat e viktimave.
Një nga sulmet goditi një shtëpi në lagjen Sheik Radvan, duke vrarë një familje 10-anëtarëshe, përfshirë një nënë me tre fëmijët e saj.
Po ashtu, Mohammed Ramez Sultan, futbollist i klubit Al-Helal, u vra së bashku me 14 anëtarë të familjes së tij, njoftoi Asociacioni Palestinez i Futbollit. Ushtria izraelite ende nuk ka komentuar për këtë incident.
Sulmet e fundit kanë shkatërruar ndërtesa shumëkatëshe dhe janë shoqëruar me urdhër për evakuim nga banorët e qytetit, ndërsa Izraeli akuzon Hamasin për vendosje të pajisjeve për vëzhgim në zonat urbane.
Lufta në Gazë nisi më 7 tetor 2023, pas sulmit të Hamasit ndaj jugut të Izraelit, që shkaktoi vdekjen e rreth 1.200 personave dhe rrëmbimin e 251 të tjerëve. Si pasojë e ofensivës izraelite, sipas Ministrisë së Shëndetësisë në Gaza, më shumë se 64.000 palestinezë kanë humbur jetën, një shifër e konfirmuar si e besueshme edhe nga OKB-ja.
