Një aksident i rëndë rrugor ka ndodhur mëngjesin e sotëm, rreth orës 05:00, në fshatin Çermë Sektor të Fierit.
Policia bën me dije se automjeti që drejtohej nga shtetasi F. M., 63 vjeç, banues në Çermë Sektor, ka dalë nga rruga pasi drejtuesi ka humbur kontrollin mbi mjetin.
Si pasojë e aksidentit humbi jetën pasagjerja, shtetasja M. S., 47 vjeçe. Tre persona të tjerë mbetën të plagosur, mes tyre pasagjerja A. M., 37 vjeçe, një i mitur 15 vjeç, si edhe vetë drejtuesi i automjetit.
