Një incident i armatosur ka ndodhur sonte në qytetin e Pejës, ku një person ka mbetur i plagosur si pasojë e të shtënave me armë zjarri.
Lajmin e ka bërë me dije zëdhënësi i Policisë në rajonin e Pejës, Driton Rugova. Ai ka konfirmuar se i plagosuri është dërguar menjëherë në Spitalin Rajonal të Pejës, ku po merr trajtim mjekësor.
Sipas Policisë, ngjarja ka ndodhur në rrugën “Papa Klementi”. Njësitet policore kanë reaguar menjëherë duke dalë në vendin e ngjarjes, ku kanë konstatuar se një person ishte plagosur nga të shtënat.
I dyshuari për këtë rast është larguar nga vendi i ngjarjes dhe aktualisht është në kërkim nga autoritetet.
