Tre persona janë arrestuar në Tiranë, të dyshuar për përfshirje në një rrjet kontrabande qenieve njerëzore. Në pranga ranë Cerkez Nikoci, Hazir Maçi dhe Ardjan Pirani.
Ata akuzohen se ndihmonin shqiptarë të kalonin ilegalisht në Shtetet e Bashkuara, Kanadë dhe vende të tjera, duke përdorur dokumente udhëtimi të falsifikuara.
Sipas policisë i dyshuari kryesor merrte pagesa që varionin nga 20 deri në 35 mijë dollarë për çdo person, duke organizuar udhëtimin fillimisht drejt vendeve të BE-së dhe më pas drejt destinacioneve përfundimtare.
Gjatë arrestimeve u sekuestruan shuma të konsiderueshme parash, dokumente udhëtimi false dhe prova të tjera që lidhen me aktivitetin kriminal.
