Në mbledhjen e sotme të Kryesisë së Partisë Demokratike, Ervin Salianji ka kërkuar që opozita të tregojë një reagim të fortë në seancën e parë të Kuvendit më 12 shtator, duke propozuar protesta të ngjashme me ato që PD ka organizuar jashtë parlamentit gjatë vitit të kaluar.
Megjithatë, kjo ishte më shumë një qëndrim personal i tij, pasi në këtë takim nuk u diskutua zyrtarisht për organizimin e protestave, që mbeten një opsion i hapur.
Në këtë mbledhje nuk morën pjesë deputetët që nuk u rizgjodhën, përfshirë edhe Salianjin, i cili aktualisht nuk ka mandat, por ishte i ftuar pasi muajin korrik doli nga burgu pas një dënimi për shpifje.
