Gazetari Basir Çollaku ka deklaruar se Presidenti Bajram Begaj duhej të thërriste Këshillin e Sigurimit për çështjen “McGonigal” dhe situatën kriminale në vend.
Ai akuzon këshilltarë të kryeministrit Edi Rama për lidhje me kartele droge, rusë dhe kinezë.
Sipas Çollakut, kompani të huaja kanë përfituar prona dhe koncesione në Shqipëri përmes vendimeve të deleguara nga kryeministri.
Ai kërkon që drejtësia dhe SPAK të veprojnë deri në nivelet më të larta të qeverisë.
“Presidenti Bajram Begaj duhet të thirrte Këshillin Kombëtar, edhe për dosjen McGonigal, përpos se edhe për ngjarjet kriminale në vend. Në këtë dosje, kemi detaje të reja, kemi dy këshilltarë të Ramës të përfshirë deri tani. Një këshilltar ishte i lidhur me kartelin e drogës Sinaloa, që është shpallur si organizatë kriminale nga presidenti amerikan Donald Trump. Këshilltarët e kryeministrit Edi Rama janë të lidhur me rusë dhe kinezë, teksa një kompani del se paguan një ekspozitë të Edi Ramës në Hong Kong.
Çdo sponsorizim duhet të deklarohet në ILKPD. Rusët dhe kinezët kanë marrë koncesione dhe prona të shqiptarëve, me vendime të deleguara nga kryeministri Edi Rama. Çështja McGonigal u regjistrua në SPAK që më 2022. Altin Dumani ishte në SHBA më shumë për llogaridhënie, jo individuale, por institucionale. Edhe për çështjen MCGonigal dhe të tjera, drejtësia duhet të veprojë. SPAK duhet të arrestojë edhe ministra, deri edhe kryeministrin madje.” – tha ai në News 24.
