Deputeti i zgjedhur dhe nënkryetari i Partisë Demokratike, Luçiano Boçi, i ftuar në emisionin “Kjo Javë”, foli për fillimin e sezonit të ri politik dhe sfidat me të cilat përballet opozita pas zgjedhjeve parlamentare të 11 majit, të cilat PD i ka kontestuar, duke ngritur pretendime për parregullsi dhe shkelje të rënda.
Në intervistën e tij, Boçi theksoi se klima politike në vend është e ndikuar fort nga qëndrimet ndërkombëtare, sidomos në kontekstin e paszgjedhjeve. Ai nënvizoi rëndësinë e raportit të OSBE/ODIHR, që ende nuk është publikuar, duke e konsideruar atë si një element kyç për legjitimitetin e procesit zgjedhor.
Boçi nënvizoi se opozita po analizon situatën në mënyrë të kujdesshme dhe se qëndrimi i partnerëve ndërkombëtarë do të ketë një peshë të madhe në përcaktimin e hapave të ardhshëm politikë të Partisë Demokratike.
Ai tha se ka dy qëndrime brenda radhëve të PD-së, nëse do të futen apo jo në Kuvend, dhe sipas tij, vedimin do ta marrin forumet e partisë.
Pjesë nga intervista
Pyetja: Në 11 shtator pritet të dalin emrat e kabinetit të ri qeveritar në Asamblenë e PS, por pa shkuar te kjo. Në të gjitha denoncimet që PD ka bërë për këtë farsë elektorale, do të mblidhet parlamenti I ri. A do të jeni në parlament zoti Boçi?
Luçiano Boçi: Ne e kemi përcaktuar që do të ketë një vendimmarrje të forumeve të PD, të kryesisë së saj e cila do vendosë nëse grupi parlamentar do hyjë më Kuvend.Ka dy qendrime, tani vendimi nuk është marrë dhe duhet një vendim politik dhe vendimi politik është ai që përcakton më pas edhe qendrimin e grupit parlamentar.
Pyetja: Çfarë do të sillte nëse nuk do të ishit pjesë.
Luçiano Boçi: Ka dy qendrime në këtë rast edhe pasoja, Brenda dy qendrimeve. Është një qendrim i cili prevalon në bindjen dhe idenë që grupi parlamentar duhet të jetë pjesë e parlamentit, kjo nuk do të thotë se PD i njeh zgjedhjet por ajo ekzekuton besimin e atyre votuesve qe e ka marrë. Pjesa tjetër kërkon që PD duke qenë se ka faktuar që zgjedhjet janë të grabitura të mos futet në Parlament dhe debatet qendrojnë midis këtyre qendrimeve, sepse ka dhe qendrime të treta të futet të bllokojë të bojkotojë një déjà vu që ka ndodhur dhe shpreh një lloj revolte. Ka një qëndrim në distancë të SHBA-ve, që reflekton ndarje mes njohjes së rezultateve dhe veprimeve diplomatike ndaj qeverisë
