Një aksident i rëndë rrugor është shënuar pak pas mesnate në fshatin Dukat Fushë, Vlorë. Ngjarja ka ndodhur rreth orës 01:00, ku dy automjete, një tip Audi dhe një Fiat, janë përplasur me njëra-tjetrën.
Si pasojë e përplasjes së fortë, kanë mbetur të plagosur katër persona. Dy prej tyre ndodhen në gjendje të rëndë për jetën dhe po marrin trajtim mjekësor.
Sipas informacioneve paraprake, dyshohet se aksidenti është shkaktuar nga shpejtësia e lartë dhe humbja e kontrollit të njërës prej makinave.
