Forcat Operacionale të Policisë së Shtetit kanë arrestuar një person të shpallur në kërkim ndërkombëtar nga drejtësdia italiane.
Në pranga është vënë shtetasi Mersin Cenolli alias Ervis Cenolli, 43 vjeç, banues në Tiranë, i cili po ashtu është kapur në kryqeytet. Ai rezulton i dënuar në Itali, me 5 vite e 1 muaj burgim, për pjesëmarrje në organizatë kriminale që trafikonte lëndë narkotike.
“Ky shtetas ishte shpallur në kërkim ndërkombëtar nga Interpol Roma, pasi Gjykata e Apelit në Milano, me vendimin e datës 06.05.2025, e ka dënuar me 5 vite e 1 muaj burgim, për pjesëmarrje në organizatë kriminale që trafikonte lëndë narkotike.” – thuhet në njoftimin e autorieteve.
Policia thotë se Interpol Tirana po vijon procedurat në bashkëpunim me autoritetet italiane, për ekstradimin e Mersin alias Ervis Cenollit.
